Hiking Trail Description

Die Randjiesveld-Roete op Fauresmith in die Suid-Vrystaat bestaan reeds 'n geruime tyd nie meer nie. Die oornaghut was op die plaas Bergplaas, wat tans deel vorm van die Tshukudu Game Farm. Annelise Bothta is egter besig om 'n nuwe roete uit te lê.

Hierdie voetslaanpad is geleë net noord van Fauresmith sowat 120 km vanaf Bloemfontein. Die roete loop deur die rante en koppe van die Rantjiesveld en bied die stapper 'n interessante Karoo-agtige landskap. Die area verras 'n mens met mooi beboste klofies, kranse, interessante plantegroei, pragtige Olienhoutbome en volop ribbokke. Die oornagskuiling op die roete is ietwat primitief, maar is in 'n rustige, afgeleë omgewing.